Innanlands

Høvdu venjing í Nólsoyarfirði

Bjargingarbátarnir og MRCC høvdu felags venjing í Nólsoyarfirði í dag. Venjingin eydnaðist væl

(Mynd: Vørn)

(Mynd: Vørn)

2021-04-17 21:53 Author image
Sverri Egholm
placeholder

Bjargingarbátarnir og MRCC høvdu í dag felags venjing í Nólsoyarfirði.

Tað skrivar Vørn á heimasíðuni.

Dagurin byrjaði klokkan 9 í hølunum hjá MRCC við Tinghúsvegin. Har var stutt frágreiðing um ætlanina við venjingini og greitt frá virkseminum hjá MRCC og Tórshavn Radio.

Klokkan 10 byrjaði venjingin við at bátarnir fóru undir eina skipaða venjing at leita eftir dukkum, sum vóru sleptar út á fjørðinum. Leitingin eydnaðist væl. Allar dukkurnar vóru funnar, og áhugavert var at síggja hvussu langt dukkurnar høvdu rikið við eystfallinum norður gjøgnum fjørðin.

Leitingin endað klokkan 12 og so var farið niðan aftur til MRCC at hava eina eftirmeting.

Luttakandi bátar vóru Rescue Vón, Sverri og Tanum og fyrireikarar vóru fólk frá MRCC, Sløkkiliðnum í Tórshavn og frá Havnar Bjargingarfelagi.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder