Kina: Minst 60 fólk deyð eftir ógvusligt regn og yvirflóð

Minst 60 fólk eru deyð í norðara parti av Kina, sum seinastu vikuna ella so hevur verið raktur av ógvusligum regni.

Yvirflóðir hava eisini verið, og hetta hevur kosta nógvum lívi.

Sambært myndugleikum í Kina og altjóða tíðindastovum eru eisini nógv fólk saknaði - í øllum førum níggju.

Tað hevur millum annað regnað óvanliga nógv í høvuðsstaðnum Beijing.