Ingi Samuelsen
Kjakið um møguligan Nato-limaskap gongur heitt, bæði í Svøríki og Finnlandi. Í dag er fundur í Stockholm millum sosialdemokratisku forsætisráðkvinnurnar í londunum báðum.
Finska forsætisráðfrúan Sanna Marin er farin til svenska høvuðsstaðin fyri at hitta starvssystir sína Magdalenu Andersson. Tær báðar skulu eftir ætlan halda ein tíðindafund um middagsleitið.
Tað verður roknað við, at trygdarpolitikkur er ovast á dagsskránni fyri fundinum millum tær báðar. Seinni í dag fer finska stjórnin at kunngera eina frágreiðing, ið skal vera grundarlag fyri finska kjakinum um ein møguligan limaskap í Nato, skrivar finska kringvarpið, YLE.
Kjakið í Finnlandi hongur tætt saman við sama kjaki í Svøríki. Tað eru sterkar kreftir í báðum londunum fyri, at grannalondini skulu taka felags avgerðir á verjupolitiska økinum, skrivar YLE.
Les eisini: Sosialdemokratarnir skulu taka støðu til Nato-limaskap
Vinarliga broyt tínar kennifíla - og privatlívsstillingar fyri at síggja hetta innihald