Erdogan: Turkiski herurin dripið IS-leiðara í Sýria

Abu Hussein al-Qurashi, leiðari hjá Islamiskum Stati (IS) í Sýria, varð leygardagin dripin av turkiska herinum.

Tað upplýsir turkiski forsetin, Recep Tayyip Erdogan.

Sambært Erdogan hevur turkiska fregnartænastan í longri tíð leitað eftir a-Qurashi.

Fleiri keldur upplýsa, sambært Ritzau, at álopið á al-Qurashi varð framt í býnum Jarandis í norðara parti av Sýria, har uppreistrarbólkar, ið stuðla Turkalandi, hava ræðið.

IS valdi al-Qurashi til leiðara í november í fjør, eftir at fyrrverandi leiðarin varð dripin í einari atsókn í sunnara aprti av Sýria.