Eldur í gravkúgv

Fyri løtu síðani kom eldur í eina gravkúgv, sum stóð við busskýlið uttanfyri Kollafjarðartunnilin.

Løgreglan sperraði økið av, tí vandi er fyri, at dekkini kunnu spreingjast, og tí mugu fólk koyra eftir Oyggjarvegnum. Eitt dekk sprongdist og fór einar 30 metrar niðan í hagan, sigur vaktleiðrin á løgreglustøðini í Havn.

Eingin mansskaði stóðst av hendingini.

Dagføring kl. 16.02: Nú er opið aftur, og tað er trygt at koyra framvið, sigur løgreglan.