Eitt skinn í part

Enn er ikki greitt nágreiniliga nær seðlarnir frá grindini í Leynum koma út, men tað verður millum 21-22 á bryggjuni í Kvívík.

Tað upplýsir Kári Thorsteinsson, sýslumaður, fyri jn.fo í kvøld.

Grindin, sum legði beinini í Leynum nakað aftaná klokkan 14 seinnapartin taldi 38 hvalir, og býtt verður í rakstrar og drápspartar, sum verða um eitt skinn.

117 fólk vóru á sandinum og 22 bátar vóru við í rakstrinum.