Einar gjørdist millióningur: - Oyjøsus oyjøsus navn

Gott lag í Vági í kvøld. Tað var Einar Thorsteinsson, sum var heppin og kom í gjøgnum við fullari plátu í Gekkinum.

Í fyrsta høggi eydnaðist honum at lenda á reyða leypinum. Frammanundan hevði hann deilt vinningin, sum í kvøld var 3,2 milliónir, í trý, og 1,1 millión var tí á hvørjum leypi.

Einar Thorsteinsson hevði hepni við sær, og fekk 1,1 millión við sær í kvøld.

- Oh my god, var fyrsta reaktiónin frá einum ovur fegnum Einari. Ein øgilig málageipan hoyrdist aftanfyri og telefonir fóru at ringja.

- Hatta var ótrúligt. Oyjøsus oyjøsus navn, segði hepni millióningurin.

Gekkurin næsta fríggjakvøld er 2,2 milliónir krónur.