Datt 4-5 metrar niður, men slapp uttan stórvegis mein

Eitt álvarsamt óhapp hendi á einum arbeiðsplássi inni á Hjalla í Havn í gjár, tá ein maður datt umleið 4-5 metrar niður úr einari lyft.

Maðurin arbeiddi upp at einum veggi inni í høllini, tá hann var áhaldsin og datt úr lyftini. Hóast døtturin var høgur, so slapp maðurin óvanliga lætt. Løgreglan hevur frá Landssjúkrahúsinum fingið boð, at viðkomandi slapp uttan brot av nøkrum slag.