Bjørn fekk um skrúvuna

Um middagsleitið í dag kom Brimil á Havnina við fiskiskipinum Bjørn.

Tað var um midnátt, at Bjørn boðaði frá, at teir høvdu fingið um skrúvuna, og at teimum tørvaðu hjálp.

Brimil kom síðani til hjálpar, og tá klokkan var umleið 12, vóru tey komin á Havnina, sigur vakthavandi á MRCC. Kavarar fara nú niður at skera skrúvuna.

Bjørn varð smíðað í Íslandi í 2002 og hoyrir heima á Glyvrum.