2022-09-05 10:25
Beint fyri klokkan átta í morgun var eitt ferðsluóhapp millum Sandavágsháls og Fútaklett í Vágum.
Talan var um ein bil, sum onkursvegna fór útav vegnum, fór runt og endaði á takinum. Júst hví óhappið hendi verður nú kannað nærri.
Tríggir persónar vóru í bilinum, men teir høvdu ongan nevniverdan skaða fingið.
Sjúkrabilur og løgregla varð send á staðið, og mett varð ikki, at tað var neyðugt at koyra fólkini á sjúkrahúsið, sigur vakthavandi á løgreglustøðini í Havn, sum leggur afturat, at bilurin tó er illa farin.
Vinarliga broyt tínar kennifíla - og privatlívsstillingar fyri at síggja hetta innihald