Um 11 tíðina fyrrapartin í gjár var eitt ferðsluóhapp við Effostøðina í Skálabotni.
Tað var ein bilur sum kom út á landsvegin, sum ikki helt víkiskylduna, og stoytti saman við einum lastbili, sum koyrdi suðureftir.
Tá vit prátaðu við løgregluna seinnapartin í gjár, vistu tey ikki at siga um støðuna hjá bilførararnum. Men í dag eru boðini, at hann er sloppin væl frá óhappinum. Stoyturin var so mikið harður, at tað fór illa við bilinum, men førarin sum var fluttur á Landssjúkrahúsið var útskrivaður stutt seinni.
Viðkomandi helt ikki víkiskylduna, og missir helst koyrikortið treytað. Hann má taka koyrikortið av nýggjum ella missir hann tað.
Vinarliga broyt tínar kennifíla - og privatlívsstillingar fyri at síggja hetta innihald