Agnar Prestá
Gamlaárskvøld var seinasti møguleiki at skjóta harur hendan veturin, og haran.fo hevur skrásett túrarnar og tølini.
Frá 2. november fram til og við 31. desember eru 512 túrar skrásettir. Samanlagt vórðu 5.218 harur skotnar. Hetta eru færri enn seinastu mongu árini - í fjør vóru til dømis yvir 7.000 harur skotnar, og í 2020 var talið 9.562 fyri beint yvir 1.000 túrar.
Orsøkin til lágu tølini kann vera, at nakað ikki er skrásett enn - ein onnur at veðrið í desember í høvuðsheitinum var so keðiligt.
Tann einstaki túrurin, har flest harur vórðu fingnar til høldar, var sambært savnaðu skrásetingini í Skáltoftahagi á Borðoynni 15. desember.
Vágaportalurin skrivar, at teir sum skutu mest, vóru teir sum høvdu Norðurnesið, sum er partur av Neshaga í Vestmanna. Har fingu teir 227 harur á 16 túrum - sum heild var Vestmanna eisini besta harubygdin.
Vinarliga broyt tínar kennifíla - og privatlívsstillingar fyri at síggja hetta innihald