Bátur fekk um skrúvuna í Norðhavinum

Í gjár mátti Tjaldrið sleipa ein bát, sum hevði fingið um skrúvuna. Tað skrivar heimasíðan hjá Vørn.

Tað var klokkan 10 sunnumorgunin, at boðini komu um, at ein bátur hevði trupulleikar, og varð vaktar- og bjargingarskipið Tjaldrið boðsent.

Báturin var staddur í Norðhavinum, og sleipaði Tjaldrið hann til lands. Sleipið tók átta tímar, og kom Tjaldrið sostatt inn við bátinum um seks-tíðina í gjárkvøldið.