Innanlands

Ávara um hálku í hæddunum

Bilar stóðu fastir – men nú er saltað

(Vevmynd: Landsverk)

(Vevmynd: Landsverk)

2021-01-25 16:18 Author image
Ingi Samuelsen
placeholder

Hált er nógvastaðni í kalda veðrinum í dag. Fyrr í dag, um hálvgun fýra tíðina fekk løgreglan boð um, at ferðsluproppur var íkomin á Gøtueiði orsaka av at bilar stóðu fastir í hálkuni.

Tá løgreglan kom á staðið koyrdi ferðslan aftur uttan trupulleikar, hetta tí Landsverk hevði verið og salta á vegastrekkinum.

- Í løtuni er væl koyrandi um Gøtueiðið, men tað er kald í dag, so tak kann skjótt frysta og gerast hált aftur, sigur vaktleiðarin á løgreglustøðini.

Á heimasíðuni hjá Landsverk verður eisini ávarað um, at roknast kann við hálku á flestu vegastrekkjum í Streymoy, Eysturoy og Norðoyggjum.  

placeholder
placeholder