Aftur uppi á 62 nýggjum tilburðum

Talið á sonevndu aktivu tilburðunum í Føroyum er vaksandi. Eftir at hava verið niðri og vent á 368 aktivum tilburðum 21. november, er talið nú komið upp á 533.

Orsøkin er at alsamt fleiri tilburðir verða staðfestir dagliga. 46 tilburðir vóru staðfestir fyrradagin, men í gjár fór talið upp aftur.

Nýggjastu tølini frá landslæknanum vísa, at 62 tilburðir vóru staðfestir í 2.969 kanningum gjár.

Fimm eru nú innløgd við koronu í Sjúkrahúsverkinum, og hetta er ein persónur meira enn í gjár.

774 fólk eru í sóttarhaldi.