Alda Nielsdóttir
Fyrsta ársfjórðing í ár ferðastu 49.000 ferðafólk umvegis flogvøllin í Vágum. Talan er um ein vøkstur á 140 prosent í mun til sama tíðarskeið í 2021, tá talið var gott 20.000.
Tað var eftir fyrsta ársfjórðing 2021, at ferðafólkatalið um flogvøllin byrjaði at vaksa aftur, eftir stóru afturgongdina í 2020, sum kom orsakað av koronafarsóttini. Í 2021 fóru tilsamans 240.000 ferðafólk um flogvøllin samanborið við 2020, tá ferðafólkatalið var 180.000.
Koronaskelkurin í 2020 fluttu føroysku ferðavinnuna nógv ár aftur í tíðina, og fyrsta ársfjórðing 2021 var ferðafólkatalið um flogvøllin umleið helvtina av tí, sum tað var fyri tíggju árum síðani.
Fyrsta ársfjórðing í ár er ferðafólkatalið komið upp aftur á sama støði sum fyrsta ársfjórðing 2015, tá ferðafólkatalið um flogvøllin var góð 50.000 fólk, skrivar Vinnuhúsið.
Vinarliga broyt tínar kennifíla - og privatlívsstillingar fyri at síggja hetta innihald