Innanlands

11,2 milliardir útgoldnar í lønum í 2022

Í desember var ein góð milliard útgoldin í lønum, og tað er met fyri einstakan mánað, sigur Hagstovan

(Savnsmynd)

(Savnsmynd)

2023-01-16 10:21 Author image
Alda Nielsdóttir
placeholder

Í fjør vórðu 11,2 milliardir krónur útgoldnar í lønum í Føroyum, og tað eru 4,9 prosent meira í mun til 2021.

Av einstøku mánaðunum er tað desember, sum skilir seg burturúr. Tá var góð milliard útgoldin í lønum, og tað er met fyri einstakan mánað, skrivar Hagstovan.

Í fjør áttu menn 61,3 prosent av lønarútgjaldingunum, meðan kvinnurnar áttu 38,7 prosent, og tað er sama býti sum í 2021.

Tá hugt verður at ymisku vinnunum, sæst, at løntanarar innan almennar og aðrar tænastur áttu 34,2 prosent av samlaðu lønunum, meðan parturin hjá privatu tænastuvinnunum var 31,1 prosent. Parturin hjá fiskivinnunu og øðrum tilfeingisvinnum var 19,7 prosent, og tey hjá byggivinnuni áttu 15 prosent.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder