Volvo mest seldi bilur í november

Næstan 200 bilar fleiri eru innfluttir í ár í mun til sama tíðarskeið í fjør. Tað vísa hagtøl hjá Akstovuni.

Í november vóru seldir 150 nýggir persónbilar, og ovast á listanum er Volvo við 27 bilum. Tað man vera fyrstu ferð í nógv ár, at Volvo selur betri enn Toyota og Volkswagen, sum annars hava átt fyrsta pláss leingi.

Av merkjunum Renault og Volkswagen vórðu seldir 15 bilar hvør. Mitsubishi er á fjórða plássið við 12 bilum. Toyota seldi fimtmest við 11 skrásettum persónbilum í november.

Kelda: Akstovan