Vænta enn eitt eldgos í Íslandi

Tað er møguleiki fyri enn einum eldgosi í Íslandi nærhendis Grindavík.

Morgunblaðið skrivar, at sambært íslendska veðurstovan eru 6,5 miliónir rúmmetrar av magma er floymdir inn í eitt helli undir jørð við Svartsengi.

Innan tvær vikur kann nøgdin blíva tann sama sum áðrenn eldgosið fyri einum mánað síðani, tá tað fór at goysa við og í Grindavík.

Seinastu sjey dagarnar eru 200 jarðsjálvtar skrásettir í økinum.