Umleið 40 hvalir til Nes kommunu

Umleið hundrað hval løgdu beinini í Hvannasundi seinnapartin. Nes kommuna fekk umleið 40 hval til heimapartar, sum allir borgarar í Nes kommunu fáa part av, sigur kommunan á heimasíðuni.

- Hvalirnir verða skornir upp í kvøld. Uppskornað grindin verður køld niður til í morginárini, tá hon verður býtt í heimapartar

- Ætlanin er, at heimapartarnir kunnu avheintast seinnapartin í morgin. Lýst verður í Útvarpi Føroya á middegi í morgin og á heimasíðuni hjá kommununi, nær heimapartarnir kunnu heintast, sigur Nes kommuna.

Grindin í Hvannasundi taldi altso umleið 100 hval. Býtt var eisini í drápspartar og her var eitt skinn í part. Seðlarnir komu út klokkan 22:30.