Tveir tilburðir staðfestir í gjár

Í gjár vóru tveir nýggir smittutilburðir staðfestir, vísa nýggjastu tølini hjá landslæknanum.

Ein tilburður varð staðfestur eftir kanning tríggjar dagar eftir komu til Føroya, og í hinum førinum er personurin smittaður í Føroyum. Smittukeldan er ókend, skrivar corona.fo.

Síðan í gjár er ein persónur staðfestur frískur aftur, og sostatt hækkar talið á smittaðum í løtuni bert við einum – í 32.

536 kanningar vóru gjørdar seinasta samdøgrið. 209 persónar eru í løtuni í sóttarhaldi.