Alda Nielsdóttir
Fríggjadagin 8. mars hittast fyrrverandi amerikanski forsetin Donald Trump, og ungarski forsætisráðharrin Viktor Orbán í amerikanska statinum Florida.
Tað upplýsir talsfólk hjá ungarska forsætisráðharranum sambært Reuters.
23. februar upplýsti Orbán, at hann stuðlar Trump í royndini at endurvinna forsetaembætið í USA, tá val verður í november.
– Vit vóna, at sitandi forsetin fer frá, og at Trump forseti fer at koma aftur og fær loyvi at tryggja frið (í Ukraina), segði hann tá.
Orbán hevur áður sagt, at hann er sannførdur um, at ein friðarlig loysn kann gerast í Ukraina við Trump sum forseta. Hann heldur tó ikki, at tað fer at bera til, um Trump ikki verður afturvaldur.
Undan forsetavalinum í 2016 var Orbán einasti stjórnarleiðari í ES, sum alment boðaði frá, at hann stuðlaði Trump.
Vinarliga broyt tínar kennifíla - og privatlívsstillingar fyri at síggja hetta innihald