Teistin er meira seinkaður

Síðani fyrst í september hevur Teistin verið á beding. Hetta hevur havt við sær, at Ternan hevur røkt siglingina millum Skopun og Gomlurætt.

Teistin fer á beding - Ternan skal sigla um Skopunarfjørð

Jósup hevur avloyst Ternuna, og júst tá Teistin fór á beding, og Ternan skuldi fara, varð stríð millum nólsoyingar og Strandfaraskip Landsins. Nólsoyingar vísti sína ónøgd við aftur at missa Ternuna, og at Jósup fór at koma í sigling. 

Jósup bjóðaður vælkomin í Nólsoy hóast alt 

1. september var ein heldur dramatiskur sunnudagur í Nólsoynni, men síðani hevur Jósup røkt leiðuna. Í fyrstu atløgu skuldi talan verða um tvær vikur, og møguliga meira, men nú eru beint yvir tríggjar vikur farnar. Á heimasíðuni hjá Stranfaraskip Landsins stóð beint áðrenn vikuskifti, at Teistin fór aftur í sigling fyrst í hesi vikuni. Hetta er nú aftur útsett: 

- Vegna fleiri royndir, byrjar Teistin ikki fyrr enn 25.09.2019

Hetta ávirkar eisini Nólsoyarleiðina:

- Teistin er seinkaður av beding, og tískil byrjar Ternan aftur á leið 90 mikumorgunin 25/09-2019.