Teir fýra stóru flokkarnir standa við sítt

Formenninir í fýra teimum størstu flokkunum hava verið inni hjá løgtingsformanninum Páll á Reynatúgvu og gjørt greitt, hvønn teir vilja hava sum samráðingarleiðara.

Les eisini: Formenninir peika nú á ein samráðingarleiðara

Aksel V. Johannasen legði í morgun rættin frá sær, og nú skal ein nýggjur finnast. Eingin av teimum fýra sum eru komnir út hava vilja sett navn á, hvønn teir hava peika á. Fráfarandi løgmaður og Høgni Hoydal hava tó endurtikið við miðlarnar uttanfyri hølið, at teir vilja hava eina breiða samgongu, so at arbeiði kann halda fram. 

Bárður á Steig Nielsen tykist tó við vissu at søkja eftir einari samgongu saman við Fólkaflokkinum og Miðflokkinum. Um tað verður hann ella Jørgen Niclasen, sum verður samráðingarleiðari er tó óvist. Báðir hava tó mælt til, at andstøðan, tó uttan Sjálvstýri, fær rættin at samráðast um at gera eina samgongu. 

Páll á Reynatúgvu hevur sagt, at hann kunngerð, hvør samráðingarleiðari verður millum klokkan 15.30 og 16.