Tætt val í Kunoy

Valið í Kunoyar kommunu gjørdist ógvuliga tætt.

Listin mannaður við fólki búsitandi í Kunoyarbygd fekk 50 atkvøður, tvær atkvøður fleiri enn hin listin, mannaður við Haraldssundsfólki.

Sostatt er javnvágin tann sama, tríggir kommunustýrislimir til fólkini vestantil og tveir til tey eystantil á oynni.

Eisini millum toppskorarnar er ógvuliga tætt.

Poul Jacob Poulsen á lista A fekk 19, Gunnhild Dahl Niclasen, B, fekk 18, Jóhannes C. S. H. Johannesen, A, fekk 17, Rasmus Magnusson, B, 16 og Hans Pauli Purkhús, A, fekk 12 atkvøður.

Øll tey valdu eru nývald.

Gunnhild Dahl Niclassen, forkvinna í aðalstjórnini hjá Tjóðveldi og nývaldur limur í umboðsráðnum hjá Betri-samtakinum, er nýggjur limur í Kunoyar bygdarráð