Svav rúsin av sær á politistøðini

Løgreglan hevur havt ein útlending sovandi á politistøðini í nátt.

Talan var um ein persón, sum skuldi av landinum í gjár, men tá hann møtti upp á flogvøllinum var hann so fullur, at hann slapp ikki við flogfarinum, upplýsir vaktleiðarin á politistøðini í Havn.

Løgreglan tók persónin við sær á støðina, og fór viðkomandi av stað aftur í morgun.

Annars hevur dagurin í gjár sum heild verið friðarligur, verður upplýst. Løgreglan kannar tó eisini eitt harðskapsmál, sum fór fram í miðbýnum í Havn sunnumorgunin.

Les eisini: Maður skuldsettur fyri harðskap móti tveimum persónum