Súsanna og Rúni eiga borgara nummar 1800 í Sunda kommunu

Fyri fyrstu ferð nakrantíð eru vit fleiri enn 1.800 fólk í Sunda kommunu. Tað hendi 13. november, tá Súsanna og Rúni í Streymnesi fingu ein son.

Lítli drongurin vigaði 4.330gr. Hann hevur ikki fingið navn enn. Hann eigur tvey eldri systkin sum eita Sára og Pætur.

Borgarstjórin í Sunda kommunu, Heðin Zachariasen, var í vikuni og ynskti familjuni tilllukku við soninum, sum er borgari nummar 1.800, og gav teimum eina heilsan frá Sunda kommunu.

1. januar 2005, tá kommunurnar løgdu saman, vóru 1.558 fólk í kommununi. 

- Fólkatalið hevur sveiggjað nakað, men ongantíð eru vit farin niðurum 1.500. Kommunan er 4 yngst í Føroyum, tá talan er um miðalaldur, og her búgva nógvar barnafamiljur, sigur Sunda kommuna á heimasíðuni.

Hóast fólkatalið samlað er í vøkstri so eru smærru bygdirnar minkaðar í fólkatalið seinnu árini.

Yvirlitið yvir fólkatalið sæst her: