Komandi fríggjadagur verður ein stórur dagur í Fuglafirði. Tá fær býurin vitjan av Margretu drotning.
Tignarliga vitjanin byrjar seinnapartin, tá drotningin kemur til Fuglafjarðar við tyrlu eftir vitjan í Svínoy.
Ongin fastur tyrlupallur er í Fuglafirði, so til endamálið er eitt tyrlupláss sett út á stóra økinum undir Mentanarhúsinum. Og sirkulin har tyrlan skal lenda, er vakurt prýdd sum ein summardái.
Summardáin er blóman hjá Margretu drotning, hvørs kelinavn er Daisy, enska orðið fyri summardáa.
Á vitjan síni í Fuglafirði, skal drotningin millum annað vitjað miðstaðarlundina, Ribarhús, hitta umboð fyri lokala vinnulívið á hábærsligu høvuðsskrivstovuni hjá Framherja og nýggja skúlan í býnum.
Um kvøldið verður døgurði í Mentanarhúsinum.
Vinarliga broyt tínar kennifíla - og privatlívsstillingar fyri at síggja hetta innihald