Agnar Prestá
Fríggjadagin 16. oktober á middegi var freistin at søkja stjórastarvið í Vørn úti. Tað varð lýst leyst í september.
Ein rímilga stórur áhugi er fyri starvinum í fyritøkuni, sum umsitur fleiri stór ting innan verju og trygd. Herálvur Joensen, aðalstjóri í Uttanríkis- og fiskimálaráðnum, upplýsti fyri Kringvarpinum í gjár, at 22 persónar hava søkt.
Sambært honum er talan um 21 menn og eina kvinnu. Ein av hesum persónunum er útlendingur.
Herálvur Joensen sigur við Kringvarpið, at nú verður ein setanarbólkur settur, sum fer at hyggja gjølla eftir ølllum umsóknunum.
Væntað verður, at ein skikkaður stjóri verður settur rímiliga skjótt. Nakað inn í november er eitt tilmæli væntandi gjørt.
Óli Hans Olsen segði seg úr starvi 1. juni eftir nakað av rumbli. Síðani hevur Jóhan SImonsen, deildarstjóri í Vørn, verið virkandi stjóri.
Vinarliga broyt tínar kennifíla - og privatlívsstillingar fyri at síggja hetta innihald