Uttanlands

Stóru donsku festivalarnir avlýsa

Dagført: Stóru festivalarnir í Danmark í summar koma nú við avlýsingum

(Savnamynd: EPA)

(Savnamynd: EPA)

2021-05-04 08:15 Author image
Ingi Samuelsen
placeholder

Tað verður ongin Roskildefestivalur í ár. Tað upplýsir festivalurin á heimasíðu síni.

- Vit eru knúst yvir ikki at fáa møguleika fyri at savnast í ár og vera við til at endursmapa felagsskapin, sum korona-kreppan hevur oyðilagt fyri so nógv, skrivar Roskilde festivalurin á heimasíðuni.

Les eisini: Danmark letur meira upp hósdagin

Sostatt er hetta annað árið á rað, at stóri danski festivalurin verður avlýstur orsaka av korona.

Ætlanin var annars at savna 130.000 fólk til Roskildefestival í ár. Tey, ið hava atgongumerki til festivalin, kunnu flyta tað til 2022 ella fáa pengarnar aftur.

Eisini aðrir danskir festivalar avlýsa nú eftir seinastu semjuna um koronaupplatingina í Danmark. Hetta er galdandi fyri Northside í Aarhus, Tinderbox í Odense, Musik i Lejet, Thy Rock, Jelling Festival og Nibe Festival. 

--

Síðan henda greinin varð skrivað, eru fleiri aðrir danskir festivalar komnir av listan av festivalum, sum verða av ongum í ár:

Copenhell í Keypmannahavn
Smukfest í Skanderborg
Vig Festival
Ringsted Festival
Heartland Festival
Kløften Festival í Haderslev
Langelandsfestival

placeholder
placeholder