Størsti ljósareyði dimamantur funnin í 300 ár

Ein stórur, ljósareyður, diamantur á 170 karat er funnin í Angola. Sagt verður, at hetta er størsti av slíkum gimseinum, funnin í 300 ár, skrivar AP-tíðindastovan.

Diamanturin fekk navnið “Lulo Rose” eftir náminum Lulo, har hann varð funnin. Felagið Lucapa Diamond Company eigur námið.

Ljósareyði diamanturin er hin fimti stóri diamanturin, ið er funnin í hesum náminum, har tað í alt eru funnir 27 diamantar á 100 karat ella størri, skrivar AP.

Steinurin skal seljast á eini altjóða uppboðssølu av statsligu angolsku gimsteinafyritøkuni, Sodiam.

Hóast ljósareyði diamanturin er bergtakandi stórur, so eru tað fleiri klárir diamantar, sum eru nógv størri - yvir 1.000 karat.

Cullinard-diamanturin var heimsins størsti diamantur. Hann varð funnin í Suðurafrika í 1905 og var 3.106 karat áðrenn hann varð brotin upp í fleiri minni bitar.