Stór grind sædd út fyri Rituvík

Klokkan eitt seinnapartin varð boðað frá, at ein grind varð sædd út fyri Rituvík, men hon verður tó ikki hildin til.

– Talan er um stóra grind, men ógreitt er júst hvussu nógvir hval talan var um, sigur Karl Johansen, sýslumaður.

Fyri góðum mánað síðani tóku sýslumenninir avgerð um, at eingin grind skuldi haldast til, so leingi sum tilmælini um frástøðu eru galdandi, og tí verður einki gjørt við hesa grindina.

– Vit virða tilmælini, so hon verður ikki hildin til, sigur Karl Johansen við Portalin.

Sambært Jn.fo, er talan um ein bólk av springarum.