Starvsfólk á Almannaverkinum fingið staðfest koronu

Trý starvsfólk hjá Almannaverkinum eru smittað við koronu, og 18 starvsfólk í fyrisitingini eru í sóttarhaldi. Tí skulu øll starvsfólkini í fyrisitingini nú kannast fyri koronu.

– Status er, at vit hava trý starvsfólk, sum eru smittað hjá okkum, og so hava vit 18 starvsfólk í sóttarhaldi, restin er til arbeiðis, sigur Edvard Heen, stjóri í Almannaverkinum við Portalin.

Tey, sum kunnu arbeiða heima, gera tað, men summi eru enn til arbeiðis, sigur Edvard Heen, sum leggur afturat, at støðan ikki ávirkar stovnarnar og tænasturnar hjá Almannaverkinum.