Uttanlands

ST: Yvir 100.000 rýmd úr Sudan

Mett verður, at hetta talið kann koma uppá heili 800.000 – Yvir 500 fólk hava latið lív í ófriðinum og nærum 5.000 eru særd

Fleiri lond hava flutt ríkisborgarar sínar úr Sudan. Her síggjast indonesisk lesandi, júst heimkomin úr Sudan (Mynd EPA)

Fleiri lond hava flutt ríkisborgarar sínar úr Sudan. Her síggjast indonesisk lesandi, júst heimkomin úr Sudan (Mynd EPA)

2023-05-03 13:31 Author image
Alda Nielsdóttir
placeholder

Síðan stríðið millum herin og hálvhernaðarliga felagsskapin Rapid Support Forces (RSF) breyt út miðskeiðis í apríl, eru yvir 100.000 fólk rýmd úr Sudan, upplýsir talsfólk fyri flóttafólkafelagsskapin hjá ST, (UNHCR).

Fleiri enn 330.000 fólk hava eisini verið noydd at rýma úr heimi sínum orsakað av stríðnum, og mett verður at yvir 800.000 fólk kunnu enda við at rýma úr landinum.

Stríðið í Sudan snýr seg um eina ósemju um, hvørt núverandi hernaðarstýrið í Sudan skal skiftast út við einum sivilum stýri.

Ófriðurin hevur higartil kravt fleiri enn 500 mannalív, og nærum 5.000 fólk eru særd sambært almennu tølunum. Veruligu tølini verða tó mett at vera hægri, skrivar Ritzau.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder