Løgreglan hjálpti í gjár einari lítlari grýlu, sum var blivin burtur frá sínum grýluvinum í Havnargøtum.
Føroya Politi skrivar soleiðis á Facebook í dag:
“Føstulávintsmánadag gekk 3 ára gamli Spiderman einsamallur í havnargøtum. Hann var nakað harmur, tí hann var vilstur og saknaði sínar hetjuvinir.
Ein politibilur fór á staðið, og saman funnu Spiderman og politisturin hinar hetjurnar, Superman, Hulk, Pocahontas og Øskufíu, sum vóru til tunnusláttur í barnagarðinum, har Spiderman hevði sína dagligu gongd.
Øll á staðnum vælnøgd við, at Spiderman nú var saman við øllum hinum hetjunum.
Vit hava ikki frætt nakað um, hvør slerdi tunnuna í gólvið, men tað var so ikki politisturin, tí hann mátti víðari til aðrar uppgávur, áðrenn hettar hendi.”
Vinarliga broyt tínar kennifíla - og privatlívsstillingar fyri at síggja hetta innihald