Sóu rottu á Sandi í gjár

Sands kommuna fekk í gjár fráboðan um at rotta var sædd á havnalagnum á Sandi. Hesum boðar Sands kommuna frá.

Øll tilbúgving varð beinanvegin sett í verk, og hetta var gjørt í samráð við Umhvørvisstovuna. Slíkar fráboðanir verða tiknar í størsta álvara, sigur kommunan.

Sands kommuna heitir á fólk um at boða frá, gerast tey varug við rottu, ella spor eftir rottu.