Skeldarí á sosialu miðlunum endaði við harðskapi

Eitt harðskapsmál varð í Klaksvík í gjárkvøldið, har tveir mans endaðu í hornatkum úti á gøtuni.

Løgreglan fekk fráboðan beint fyri klokkan 21 í gjárkvøldið um at tveir mans høvdu verið í hornatøkum.

Menninir høvdu skeldast um eitthvørt á sosialu miðlunum, og tá hesir síðani tilvildarliga hittust á gøtuni í Klaksvík kom ilt í millum menninar. Tann eini maðurin fekk ein minni skaða í tilburðinum.

Ein maður varð skuldsettur í samband við tilburðin og skal í rættin. Eitt vitni var til tilburðin.

Rættað: 22.00