SKAM: Leikstjórin og "William" vitja í Føroyum í dag

SKAM hevur seinastu árini verið ein av teimum best umtøktu ungdómssjónvarpsrøðunum. Ikki bert í Noreg, har hon er framleitt, og har sjónleikararnir eru frá. Nógvastaðni kring heimin er norska málið og mentanin nú kend orsakað av veruleikakendu røðini.

Eisini í Føroyum er SKAM vælumtókt, og nú fáa føroyingarnir møguleikan at uppliva leikstjóran Julie Andem og sjónleikarin Thomas Hayes, sum spældi leiklutin sum William


Julie Andem

Bókadeild Føroya Lærafelagsins, ið gevur SKOMM-bøkurnar út, boðar frá, at í samband við ársins Bókadagar og útgávurnar av SKOMM-røðini á føroyskum verða Thomas og Julie gestir á stórum skúlatiltaki við fleiri enn 200 næmingum í dag.

Tað er klokkan 16 í Norðurlandahúsinum, og samstundis sum talan er um skúlatiltak, so er tað eisini eitt alment tiltak. Silja Aldudóttir, ið hevur týtt handritið til føroyskt, prátar við rithøvundin og sjónleikaran.