Seta spakan í leygardagin

Í nógv ár varð arbeitt við einum svimjihyli, men seinastu árini hevur verið arbeitt við einum savni, Ovasavni, til minnis um Ova Joensen, sum róði úr Nólsoy til Keypmannahavnar.

Stuðul er komin úr løgtinginum og úr Tórshavnar kommunu, og leygardagin verður altso spakin sett í.

(Mynd: Ovasavn)

Eitt stykkið oman móti sjónum miðskeiðis í bygdini er latið av kommununi.

Leygardagin verður nógv gjørt burturúr í bygdini. Sonevndir "stOvetónar" verða frá klokkan 16 til 22. Talan er um 10 tónleikarar, 10 stovur og 20 konsertir runt í bygdini.