Seinasta freist at tilnevna Ársins leiðarar er í dag

Sum undanfarin ár kunnu øll tilnevna Ársins Leiðarar. Synergi boðar frá, at aftur í ár eru nógvar tilnevningar komnar inn, og at seinasta freist at senda inn tilnenving er í dag.

Møguleiki er fyri at tilnevna fleiri persónar. Einasta treytin er, at tað skal verða ovasti stjóri/leiðari á einari fyritøku/stovni/felag, ella at talan er um nevndarforkvinnu/-mann.

Tað er síðani ein dómsnevnd, ið tekur endaliga støðu til, hvør skal verða kosin. Tvær heiðurslønir verða latnar: Ein fyri Ársins Leiðara innan tað almenna og ein innan tað privata.

Leiðaradagurin 2020 verður á Hotel Føroyum 31. januar. Seinasta ár gjørdust Árni Ellefsen frá Bank Nordik og Hedvig Jóhansdóttir frá Dugna,Ársins leiðarar.