Sam liðugur til avtalaða tíð

28. juni fór Sam á beding til 45 ára eftirlit á MEST í Havn, og eins og avtalað, verður ferjan latin Strandferðsluni aftur miðskeiðis í vikuni, boðar MEST frá.

Samstundis sum Sam var til eftirlit, vóru ymiskar ábøtur gjørdar.

Sam fór av beding fríggjadagin, og verða ymiskar skipanir nú endaligt royndarkoyrdar, áðrenn ferjan verður latin Strandferðsluni og verður sett aftur í sigling millum Klaksvík og Syðradal.

Meðan Sam hevur verið á beding hevur Erla Kongsdóttir siglt fyri Sam á leið 56.