Tað leikar javnan hart á í løgtinginum, og tað eru ikki nógvir dagar síðani drúgt orðaskifti var um samkynd. Tingfólk skjóta eftir hvørjum øðrum og tað kann tykjast sum um at tey ikki orka gronina í hvørjum øðrum.
Men sambært Ruth Vang, løgtingskvinnu og formann fyri Framsókn, so er trivnaðurin í løgtinginum góður. Tað segði hon í sendingini “Við Tórði á túri”, sum hesaferð var á vitjan í Tinghúsinum.
- Man skal minnast til at trivnaðurin er rættiliga góður í løgtinginum. Fólk hoyra okkum, vit kunnu virka øgiliga hørð við hvønn annan og ósamd um alt møguligt. Men veruleikin er, at uttanfyri sjálvan tingsalin eru vit rættiliga væl, segði Ruth Vang.
- Tað er eitt gott arbeiðsumhvørvi, har sum tað er góður trivnaður, segði hon.
Sendingin “Við Tórði á túri í Løgtinginum” hoyrist her
Vinarliga broyt tínar kennifíla - og privatlívsstillingar fyri at síggja hetta innihald