Russar sleppa ikki at rýma til Lettlands

Í morgun boðaði russiski forsetin, Vladimir Putin frá, at Russland fór at senda 300.000 hermenn afturat til Ukraina, og um russar ynskja at rýma undan hertænastu, er eingin hjálp at finna í Lettlandi.

Lettland, sum er grannaland hjá Russlandi, vil ikki loyva russum, sum rýma undan hertænastu, inn í landið, sigur Edgars Rinkevics, uttanríkismálaráðharri í Lettlandi.

Tað er av trygdarávum, at Lettland hevur tikið hesa avgerð, sigur hann.

Tað at Russland kallar fleiri inn til herin, tulka fleiri lond sum, at Russland hevur trupulleikar á vígvøllinum í Ukraina. Bretski verjumálaráðharrin, Ben Wallace sigur, at Putin við hesum viðgongur, at innrásin í Ukraina hevur miseydnast.

Les eisini: Putin: 300.000 hermenn afturat kallaðir inn