Poul Michelsen farin aftur í privata vinnulívið

Poul Michelsen, løgtingsmaður og floksformaður fyri Framsókn, er nú farin aftur í privata vinnulívið aftaná fýra ár.

Seinasta valskeiðið hevur Poul Michelsen verið landsstýrismaður, men tað er hann ikki longur, og tí er hann aftur vorðin forstjóri í p/f Poul Michelsen.

Tað varð skrásett hjá Skráseting Føroya fríggjadagin, sambært Kringvarpinum.

Undir fyrrverandi CEF-samgonguni var Poul Michelsen landsstýrismaður í uttanríkis- og vinnumálum.