Øll norðurlond í Eurovision-finaluni

Eftir seinnu hálvfinaluna í gjárkvøldið er nú greitt, at øll norðurlondini hava tryggja sær pláss í Eurovision-finaluni, sum verður leygarkvøldið.

Í fyrru hálvfinalu týskvøldið tryggjaðu Finnland og Svøríki sær eitt finalupláss, og í seinnu hálvfinalu hóskvøldið komu eisini Noreg og Danmark (danska framførslan sæst omanfyri) víðari.

Les eisini: Fyri fyrstu ferð síðan 1997

Ísland, sum eisini plagar at luttaka í sangkappingini, luttekur ikki í ár. Landið hevur luttikið í kappingini 37 ferðir, síðan landið fyri fyrstu ferð luttók í 1986. Men Ísland er eitt av fimm londum, sum hava boykottað sangkappingina í ár orsakað av luttøkuni hjá Ísrael. Hini londini eru Spania, Niðurlond, Írland, og Slovenia.

Yvirlit: Hesi eru í finaluni

• Grikkaland: Akylas - Ferto
• Finnland: Linda Lampenius x Pete Parkkonen - Liekinheitin
• Belgia: ESSYLA - Dancing on the Ice
• Svøríki: FELICIA - My System
• Moldova: Satoshi - Viva, Moldova!
• Ísrael: Noam Bettan - Michelle
• Serbia: LAVINA - Kraj Mene
  Kroatia: LELEK - Andromeda
• Litava: Lion Ceccah - Sólo Quiero Más
• Pólland: ALICJA - Pray
• Bulgaria: DARA - Bangaranga
• Ukraina: LELÉKA - Ridnym
• Noreg: JONAS LOVV - YA YA YA
• Avstralia: Delta Goodrem - Eclipse
• Rumenia: Alexandra Căpitănescu - Choke Me
• Malta: AIDAN - Bella
• Kýpros: Antigoni - JALLA
• Albania: Alis - Nân
• Danmark: Søren Torpegaard Lund - Før vi går hjem
• Kekkia: Daniel Zizka - CROSSROADS
• Stórabretland*: LOOK MUM NO COMPUTER - Eins, Zwei, Drei
• Frakland*: Regarde !
• Italia*: Sal Da Vinci - Per Sempre Sì
• Eysturríki*: COSMÓ - Tanzschein
• Týskland*: Sarah Engels - Fire

*Hesi londini - vertstjóðin - og fýra tey stóru londini, sum geva størsta fíggjarliga ískoytið til EBU - European Broadcasting Union - koma beinleiðis í finaluna.

Danmark skal fyrst á pallin
Í nátt varð avdúkað, í hvørjari raðfylgju finaluluttakararnir skulu framføra leygarkvøldið, og tað er danski luttakarin, sum skal fyrst á pallin.

Finnland er nummar 17 í røðini, og Svøríki og Noreg framføra sum ávikavist nummar 20 og 23. Verturin, Eysturríki, eigur 25. og seinastu framførsluna.

Og raðfylgjan hevur týdning. Mett verður, at sangir, sum verða framførdir seinni í kappingini, hava betri møguleika at fáa nógv stig í mun til sangir, sum eru millum teir fyrstu.

Øll raðfylgjan sæst her