Innanlands

Ógvusligur jarðskjálvti rakt Japan

Jarðskjálvtin hevur dripið í minsta lagi fýra fólk og sært 290 fólk

(Mynd: EPA)

(Mynd: EPA)

2018-09-06 09:24 Author image
Oda Strøm
placeholder

Fleiri hús eru jarðað, og umleið 3 milliónir húsarhald eru uttan streym, eftir at ein jarðskjálvti rakti oynna Hokkaido í Japan. Tað skrivar AFP tíðindastovan. 

Sambært Japan Meteorological Agency varð jarðskjálvtin máldur til 6,7 á Richterskalanum. 

Í minsta lagi fýra fólk hava latið lív, og 290 eru særd. Eisini verður hildið, at nógv fólk liggja jarðað undir omanlopum. 

Episentrið á jarðskjálvtanum var eystanfyri býin Tomakomai, sum liggur 68 kilometrar frá størsta býnum á oynni Sapporo. Rystingar merktust eisini í Sapporo, har 1,9 milliónir fólk búgva. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder