2021-08-01 10:02
Kannað verður, hví eldur kom í eini hús á Velbastað tíðliga leygarmorgunin, og mett verður, at eldurin helst kyknaði uttanfyri húsini, har sauna og hitapottur var, sum hevði verið í brúk dagin fyri, sigur løgreglan.
– Tað er ógvuliga sannlíkt, at tað er tað, tí har er ikki ordiliga nakað annað, sum kann hava gjørt tað, sigur vaktleiðarin á politistøðini.
Húsini fingu stóran materiellan skaða, men sum skilst var eingin fólkaskaði. Tvey fólk vóru í húsunum í gjár, men tey sluppu út. Tó vórðu tey send á sjúkrahúsið at verða kannað fyri roykeitran.
Dagførd kl. 11.57
Vinarliga broyt tínar kennifíla - og privatlívsstillingar fyri at síggja hetta innihald