Fríggjadagin varð kunngjørt, at øll nevndin í valfelagnum hjá Fólkaflokkinum í Havn hevði lagt frá sær.
Hetta var dagin eftir, at floksleiðslufundur var, og at Beinir Johannesen varð valdur sum nýggjur formaður í flokkinum, umframt at tað í døgunum kring tað gjørdist greitt, at fleiri limir og møgulig valevni ikki fóru at stilla upp fyri flokkin til løgtingsvalið í næstum.
Les eisini: Nevndin í Havn rýmir eisini
Nú er so greitt, hvørji fólk eru í nýggju nevndini:
- Hans Joensen, formaður
- Malan Á Dul Nielsen, næstforkvinna
- Fróði Ólason Olsen
- Mona Breckmann
- Birgir Nielsen
Inga Dahl og Jógvan Poulsen eru varalimir.
Hans Joensen hevur áður verið formaður í Havnar Framburðsfelag í nógv ár. Birgir Nielsen er einasti limur, ið gongur aftur frá seinastu nevndini.
- Nýggja nevndin í Havnar Framburðsfelag vil nýta høvið at takka fyrverandi nevndini og formanni floksins, Christiani Andreasen, fyri teirra arbeiði, verður skrivað í fráboðan frá felagnum, har tað millum annað eisini stendur, at fleiri enn 100 limir luttóku á fundinum í høvuðsstaðnum fyrr í kvøld.
Nú er eisini greitt, nær fyrsti uppstillingarfundurin verður. Hann er á skránni hósdagin 17. november klokkan 20 á 62N Hotel.
Vinarliga broyt tínar kennifíla - og privatlívsstillingar fyri at síggja hetta innihald