Myndir: Seyðasýning í Kvívík

Leygardagin var seyðasýning í seyðahúsinum hjá Ognarhaganum, uppi á Símunarbrekku í Kvívík, har seks hagapartar luttóku.

Sýnarar vóru Jacob Vestergaard, Sólfinn Kjærbo, Jákup Joensen, og Marner Gudmundsen.

Íalt vóru 51 veðragjólingar og 12 veðrar sýndir, og virðislønir vórðu latnar til bestu veðragjólingar – nr. 1, 2, og 3, bestu hagar nr. 1, 2, og 3, besta veturgamla veðr. 1, 2, og 3, og besta eldri veðr. 1, 2, og 3.

Fyriskiparar siga í tíðindaskrivi, at undirtøkan var góð, og er ætlanin at hava sýning aftur komandi ár.

– Vit takka Kvívíkar kommunu, MBM & Føroya Bjór. Vit vilja eisini fegin takka tykkum øllum, sum komu niðan í seyðahúsið. Eisini ein tøkk til tykkum, sum hjálptu til. Stuttligt at skipa fyri, tá ið undirtøkan er so góð. Sigast má at seyðaeigarar, dáma væl sýningina. Ætlanin er sjálvandi at hava sýning í komandi ári.

Hesi fingu virðisløn:

Bestu veðragjólingar
1. Eigari Steinar Jacobsen, Leynahagi - Framman fyri húsini
2. Eigari Øssur Andreassen, Frammi í haga
3. Eigari Bartal Nadreassen, Frammi hagi

Bestu hagar
Útihagi við 19,00 stigum í miðal
Frammi í haga 18.33 stigum í miðal
Ognarhagin 17.06 stigum í miðal

Besti veturgamli veðrur
1. Eigari Øssur Andreassen, Frammi í haga
2. Eigari Dánjal Petur Müller, Útihagi
3. Eigari Steinar Jacobsen, Leynahagi - Framman fyri húsini

Besti eldri veðrur
Eigari Øssur Andreassen, Frammi hagi
Eigari Niels Jákup Helgason, Hagahagi - Innarahelvt
Eigari Monika Kartinsdóttir, Norðihagi