Innanlands

Munandi færri doyðu í 2020

Koronastøðan sæst ikki aftur í hagtølunum fyri deyð í 2020 - heldur tvørturímóti

(Savnsmynd)

(Savnsmynd)

2021-01-12 08:14 Author image
Ingi Samuelsen
placeholder

Tað doyðu munandi færri føroyingar í fjør, enn árið fyri. Staðfestast kann út frá hagtølunum hjá Hagstovuni, at talið av deyðum fyrstu 11 mánaðirnar í 2020 var 39 færri enn tilsvarandi mánaðir í 2019.

Harvið kann eisini staðfestast, at ógvusliga koronastøðan ikki sæst aftur í hagtølunum fyri deyð í 2020 – heldur tvørturímóti.

Sagt hevur verið, at tað at vit halda frástøðu og reinføri eisni hevur verið orsøk til, fólkið eisini hevur verið vart móti øðrum umfarssjúkum og smittum, og okkurt bendir á, at so er.

Fram til 1. desember 2020 doyðu 332 fólk í Føroyum, meðan tilsvarandi talið árið fyri, var 371.

Bert í trimum av teimum 11 mánaðunum, var talið á deyðum hægri enn árið frammanundan.

Tað er ikki bara koronastøðan, sum er orsøk til at færri doyðu í 2020. Hóast koronan ikki rakti Føroyar fyrr enn út í mars mánaði, so var deyðatalið eisini munandi lægri í byrjanini av 2020. Fyrsta ársfjórðing doyðu 85 fólk í Føroyum, og tað eru 25 færri enn fyrstu tríggjar mánaðirnar av 2019.

Í fjør var tað bert í apríl, juni og november, at tað doyðu fleiri fólk enn somu mánaðir árið fyri.

Deyð í Føroyum

 
 

2019

2020

Januar

38

31

Februar

31

24

Mars

42

30

Apríl

32

40

Mai

33

18

Juni

33

36

Juli

37

31

August

30

27

September

30

27

Oktober

35

30

November

31

38

 

 

placeholder
placeholder